لاپەرێ سەرەکی
دەستپێکەك لسەر کامپینێ
مەترسی چییە
تەقەمەنی و پاشمایێن شەڕی دمەترسیدارن بۆ سەر تە و خێزان و کۆمەڵگەها تە. ئەگەر تە مینەك ، تەقەمەنییەکی نەپەقی ، یان هەر تەقەمەنییەکی گومان ژێکری دیت، خۆ نێزیك نەکە ، دەستێ خۆ نەکێ و بلەز کەسەكی یان ئالیەکێ ژێ ئاگەهداربکە! مین و تەقەمەنی و پاشمایێن شەڕی یاری نینە. یاریکرن ب ڤان تشتان ڕەنگە دوماهیێ ب ژیانا تە بینیتن یان ببتە سەدەما وی کو ب دژواری بریندار بیت. ئەگەر تە تشتەکی مەترسیدار دیت خۆ ژێ دویر بخە و ب زویترین دەم کەسەکێ مەزن ژ ڤی تشتێ مەترسیدار یێ کو تە دیتی ئاگەهدار بکە، یان بلەز بنگەهێ پۆلیسا یان ڕێکخراوا (MAG) ژێ ئاگەهدار بکە.
(MAG) کورتەیەك ل سەر ڕێکخراوا
کومەڵەیا شێویرمەندییا مینان (MAG) ڕێکخراوەکا مرۆییا قازانج نەویستە و ل بوارێ هەلگرتنا مینان ل 25 وەڵاتاندا کاردکەت. ئەم مینێن زەڤییان و تەقەمەنیێن هێشوویی و بومبێن نەتەقی لە وان جهێن کو تووشی شەڕ و پەڤچوونان هاتینە ڤەدبینین و ژناڤ دبەین. ڕێکخراوا (MAG) عێراق هەتا ساڵا 2021، (170,433) مینێن زەڤییان ڕاکرینە و ڕووبەرێ (128) کم٢ زەڤیان پاقژکریە و (113,319) وانێن هشیارکرنێ لە مەترسیێن مین و تەقەمەنییانژی پێشکەشکرییە.
ڤیدیۆ
(MAG) سەبارەت ب کومەڵەیا شێویرمەندییا مینان
كومەڵەیا شێویرمەندییا مینان (MAG) ڕێكخراوەكا پاڵپشتیكار و مرۆڤییا جیهانییە و د بوارێ ڤەدیتن و لابرن و ژناڤبرنا مینێن زەمینی و تەقەمەنیێن هێشوویی و بۆمبێن نەپەقی ل وان جهێن كو ب ڤان جورێن تەقەمەنییان پیس بووینە كار دكەت.
ئەم د ڤێ باوەڕیێ داینە كو نە ش هەژیێ قەبیل كرنێیە كە هەتا نها و پشتی دیماهیكا جەنگان هێشتا ب ملیونان خەلك د ناڤا مەترسییان و هەژاریێ دا ماینە. ئارمانجا مە ئەوە هاریكارییا گومەڵگەهێن جیاواز بكەین دا بشێن ل ژیانا خو بەردەوام بن و پاشەڕوژا خو ب دەست خوڤە بیننەڤە.
كومەڵەیا شێویرمەندییا مینان (MAG) ل ساڵا 1992 ڤە ل عێراقێ كاردكەت دا كو زەڤیێ بو وان خەلكان پاقژ و سڵامەت بكەت یێت كو ب دەهان ساڵن د بن كارتێكرنێن شەڕ و پەڤچوناندا دژین. مینێن زەمینی و تەقەمەنیێن هێشوویی و تەقەمەنیێن دی یێن نەپەقی و هەروەسا ئەو پیسبوونا نوی یا كو د ئەنجامێ وێ شەڕا ب ڤێ دیماهیێ دگەل داعشدا هاتە كرن، یێت بووینە سەدەما پاشڤەهێلێنا شوینەوارەكا مەترسیدار كو بوویە ڕێگر ل سەر ڕێكا بكارئانینا زەڤییان ژ لایێ كومەڵگەهانڤە و ڤەگەڕیانا ئاوەرەیێن ناڤخویی ب سڵامەتی بو جـهـ و زێدێن خو.
ب پاقژكرنا زەڤیێن مینڕێژكری ل ڕێكا پاكسازییا دەستی و بكارئینانا ئامێرێن میكانیكی و كوچكێن لێگەڕیانا مینان، ڕێكخراوا MAG دێ هاریكارییا كومەڵگەهان كەت بشێن زەڤیێن خو ب سڵامەتی بكار بینن، ئەڤەش دێ ئێمناتییەكا زورتر د بوارێ خارنێدا بو ڤان دابینكەت و ڕێكەكێش بو ڤان ڤەكەت كو ژ هەژاریێ ڕزگارببن. ئەو زەڤیێن كو ڕێكخراوا MAG عێراق د هەیاما 20 ساڵێن بووریدا پاقژكرین، یێت هاتینە بكارئینان بو چێكرنا ڕێك و قوتابخانە و گوندێن نوی، هەروەسا یێت بووینە سەدەما ڕێك خوشكرنێ كو هزاران جوتیار بشێن ب سڵامەتی شول بكەن.
ژ سالا 1989 ڤە هەتا ئەڤڕو ڕێكخراوا MAG شیایە هاریكارییا پێشكەشی 18 ملیۆن كەسان ل 68 وەڵاتاندا بكەت دا كو بشێن پشتی شەڕ و جەنگان دووبارە ژیانا خو و دەبەرا ژیانێ بو خو ئاڤاكەنەڤە.
