سەرەکی

کۆمەڵەی ئامۆژگاری مین (MAG) ڕێخراوێکی داکۆکیکاری مرۆیی جیهانییە، مینی زەمینی، تەقەمەنیی چەکە  هێشوییەکان و تەقەمەنیی نەتەقیوو دەدۆزێتەوە، لادەبات و تێکدەشکێنێت لەو شوێنانەی کە کاریگەریی شەڕ و  ململانێکانیان لەسەربووە.

ئێمە بڕوامان وایە کە ئەوە شتێکی قبوڵکراونیە کە ملیۆنان خەڵك گیریان خواردووە لەناو مەترسی و هەژاری بۆ چەندەها ساڵ لە دوای ئەوەی کە جەنگ کۆتایی پێهاتووە. ئێمە ئامانجمان ئەوەیە یارمەتی کۆمەڵگەکان بدەین لەسەر ژیانیان بەردەوام بن و داهاتوویان بەدەستبهێننەوە.

ڕێخراوی MAG لە ساڵی 1992 ـەوە لە عێراق کاردەکات لەپێناو پاککردنەوەو سەلامەتکردنی زەوییەکان بۆ ئەو خەڵکانەی کە دەیان ساڵە لەژێر کاریگەریی شەڕو ململانێکاندا دەژین. مینی زەمینی وتەقەمەنیی چەکە هێشوییەکان و تەقەمەنییە نەتەقیوەکانی تر، هەروەها  ئەو پیسبوونە نوێیەی کە بەهۆی دوایین ململانێ  لەگەڵ داعشدا پەیدابووە، کە لەدوای خۆیدا شوێنەوارێکی مەترسیداری بەجێهێشتووە ڕێگری لە کۆمەڵگەکان دەکات لە بەکارهێنانی زەوییەکانیان و گەڕانەوەی ئاوارەکان بۆ شوێنەکانیان بە سەلامەتی.

بە پاککردنەوەی ناوچە مینڕێژەکان لە ڕێگەی مینلابەر، ئامرازە میکانیکییەکان و سەگی میندۆزەرەوەوە، ڕێخراوی MAG توانا دەبەخشێتە کۆمەڵگەکان بۆ دووبارە بەکارهێنانەوەی زەویەکانیان بە سەلامەتی، هەروەها ئاسایشیێکی زیاتریان لە ڕووی خۆراکەوە پێدەبەخشێت و ڕێگەشیان بۆ خۆشدەکات کە لە هەژاری ڕزگاریان ببێت. ئەو زەویانەی لە ماوەی 20 ساڵی ڕابردوودا لەلایەن ڕێخراوی MAG ـەوە پاککراونەتەوە بەکارهێنراون بۆ دروستکردنی ڕێگا و بان، قوتابخانە، نەخۆشخانەو گوندی نوێ، هەروەها  ڕێگاخۆشکەر بووە بۆ هەزارەها جوتیار بۆ کارکردن لە کەشێکی سەلامەتدا.

لەساڵی ‌1989 ـەوە  تا ئێستا ڕێخراوی MAG یارمەتی زیاتر لە 18 ملیۆن کەسی داوە لە 68 وڵاتدا بۆ  ئەوەی بتوانن ژیان و سەرچاوەی بژێوییان لەدوای جەنگەوە دووبارە بنیاتبنێنەوە.